Pagi minggu biasanyo diisi dengan olahraga, kondisional sifatnyo, kadang basepeda, aerobik atau pun jogging. Kebetulan pagi minggu 26 April tu, sudah subuah ambo mancaliak Nova sadang mambuek soal Biokimia untuak AKPER RSPAD. Ambo tanyoan a kegiatan pagi ko, dan nyo jawek aerobik di RT 1. Ambo tawarkan baa kalo awak ka Carefour, bunda aerobik disinan, ayah jogging. Ambo taragak jogging dek ado ZOO RUN, 5K di ragunan saminggu lai, lumayan lah untuak manjaga stamina.
Alhamdulillah, baduo se kami ka carefour Bintaro, anak-anak masih lalok batinggaan jo yolanda, adiak Nova. Tadi malam kami memang talambek lalok, dan dicaliak Dhila dan Imam masih pulas. Biasonyo, kami pai barombongan.
Sampai dilokasi, langsuang cari tampek nan pas. Dek Nova indak mamba’o HP tapaso lah ambo ikuik senam disampiang inyo, dek takuik susah bana mancari beko sudah senam dek rami urang. Biaso senam disiko ado dua tahapan: Jantung Sehat dan Aerobik. Sadang senam jantung sehat, Hp babunyi dari Arlinsfa, bahwa Yulfa ka datang, lah dibandara batam barangkek jam 8. Ambo sampai’an se lah acara nan di Kampung air batal, dek lah rami bana tadi malam, dan yang akan datang ndak ka banyak lai do. Si Menye masuak karajo hari tu, dek May Day nyo pindah hari ka minggu, Diny ndak bisa alasan kel. Lainnya lah basuo tadi malam, tapi kalo Yulfa nanti akan basuo akan diusahakan, di rumah jeje pun ndak baa. Dek tujuan utama yulfa ka Jakarta adalah barubek di ciledug, itu aratinyo lai dakek ka rumah ambo.
Ndak lamo sudah tu, HP babunyi liak, dari nani ruponyo yang ternyata sudah ditelpon yulfa dari Batam. Akhianyo kami sepakati bahwa acara di rumah ambo, jam nyo caliak kondisi se lah, tagantuang jam bara Yulfa salasai barubek. Prediksi ambo, paliang lambek bisa basuo tu jam 2. Manjalang salasai aerobik ambo sempatkan juo spint sabanta, sudah tu ikuik colling down. Salasai senam, ambo kontak baliak arlinsfa, sambia manunggu Nova balanjo bali sayua.
Ambo pun yakin bahwa Arlisnfa bakalan datang, so paliang indak ado ambo, nani, yulfa dan Arlinsfa, sementara ada kemungkinan ditambah dengan Tri, dessy dan Orin. Bia lah nanti se ambo kontak baliak sudah dirumah se.
Baru kalua dari Carefour, ternyata adiak ambo Fera manelpon dan lah siap untuak pai ka tanah abang mancari baju. Memang tadi malam lah bakecek’an ka inyo, acara nan di serpong batal, so ambo pun bisa pai ka tanah abang paginyo. Rencana awal inyo jo Yolanda se nan ka pai, tapi dek ambo lai sadang luang, bia lah ambo tukang jinjiang balanjonyo nanti.
Awalnyo ambo ka maajak Nova dek janji ka tanah abang patang ndak jadi, tapi dek mancaliak jo sia anak-anak ka ditinggaan.Akhirnyo kami pai batigo, duo motor. Yolanda sekalian pulang nanti ka pulo gadung habih balanjo.
Puta baputa di Tanah Abang Blok A, salasai balanjo untuak ka dikirim ka Duri kami pun pulang arah ka Sudirman, sakalian maanta’an yolanda ka Ratu Plaza. Ndak lamo sudah Yolanda turun hari lah manjalang satangah satu siang, HP pun babunyi dari Yulfa. Ehhh, ternyata inyo lah salasai barubek, dan ambo minta manunggu di dakek Sari Asih, satangah jam lai sampai. Capek bana mah…
Dek Yulfa baduo, ambo minta Fera untuk taruih se dulu ka Sari Asih, andaikata nanti butuh transport ka rumah. Sambia dijalan ambo cubo kontak Nani untuak langsung barangkek dari rawamangun ka bintaro. Ambo cubo kontak Dessy, eh ternyata masuk juga hari minggu itu, ada project katanya yang mesti mungkin sampai malam. Tapi dia usahoan, tapi akan diatur dulu jo kawan, keceknyo. Ambo minta paliang indak jam 5 usaho’am juo lah datang, karena Yulfa akan ke Batam senin pagi dan bisa ditahan hinggo basuo jo dessy, bia lah malam baliak ka hotel.
Kami tibo di Pojok, ternyata Yulfa sadang makan di RM Putra Minang, subarang RS Sari Asih. Mungkin lah litak bana, sarapan nan dari pagi tadi lah jadi darah dan ampas. Sambia mangawani Yulfa makan, kami pun pasan duo jus tomat. Lapeh makan Yulfa dan suami, serta mancaliak bawaan yulfa lumayan banyak, Fera ambo suruah se pulang, kasian anaknyo nan lah ditingga’an dari pagi dan Yulfa pun rancak jo taxi ka rumah ambo.
Manjalang kalua RM Putra Minang, Nani ternyata lah ampia kalua tol Pondok Aren, dan ambo pun langsuang manunjuk’an arah untuak ka rumah, Puri Bintaro Hijau Blok H3 no 36. Ambo jo motor, yulfa dan suami jo taxi, dan sampai lah kami di rumah jam satangah duo. Dalam perjalanan tadi ado telpon dari Tri dan dengan earphone pun ambo pun sampaikan bahwa Yulfa lah ampia tibo dirumah, jiko Tri lah salasai Badminton langsuang se lah ka rumah, paliang makan wakatu satu jam dari Bogor via tol. Tri akan diusahakan, gitu kecek tri. Tapi akhirnya Tri ndak datangdek ado urusan jo Amak-nyo.
Ndak lamo sudah Nani pun tibo dirumah dengan sedikit nyasar. Kami pun sholat luhua, maklum dalam perjalanan alun sempat lai. Alhamdulillah, suasana begitu meriah. Icha langsuang akrab jo Dhila dan Imam, mereka lah asyik dengan dunianya, ada buku serta main games di komputer, sehingga obrolan kami pun tak terganggu. Luar biasa apo nan diraso’an Nova ketika Nani bilang Nova kok masih langsing? Alhamdulillah, iko nan mambuek Nova babungo-bungo hatinyo.
Mokasih ka si Cantik Clara ini dan batua apo nan ado dalam S U R A T A L - H U J U R A T (49:11): ….. janganlah kamu panggil memanggil dengan gelar-gelar yang buruk…. Nan akhianyo sampai tasabuik manjalang ka lalok. Memang mungkin iko salah satu kesukaan para induak bareh, sanang jo pujian apalai bilo berkaitan dengan barek badan.
(lanjuik..) Tak sengaja tasabuik ka Nova namo Taufani yang semalam sms menanyakan hal pendirian SMK farmasi. Ehhh, ndak tahunyo Yulfa taragak dan Nani pun ingek. Ambo agiah’an no da Af ko ka yulfa, dan kebetulan ambo pakai Talk mania, langsuang se ditelpon. Alhamdulillah beliau ternyata tingga masih di ciledug dan ambo sampaikan bahwa di rumah ado Yulfa, Nani, dan nova pun ado. Ambo minta langsung se lah kamari, banyak nan taragak dan ado info sekolah farmasi. Baliau pun batambah basumangaik.
Manjala lah carito sudah tu, antah kama-kama, makin seru. Orin lai juo ambo telpon ka Hp nyo, tapi ndak ado diangkek. Antah lah baganti no nyo, ambo pun ndak tahu, dan dessy pun akhianya ndak lo bisa datang.
Hari hujan sore itu, dan sambia mananti datangnyo da Af ko. Alhamdulillah hujan reda sekitar jam ampek, da Af ko mancigok juo akhianyo. Alhamdulillah, lai indak ado nan barubah. Suasana sangaik lah meriah, dek kami mandanga obrolan da Af ko. Sampai takikiak galak dan baraia mato si Yul jo Nani dek lucu nyo guyunan da Af ko. Dari obrolan “kelompok ELER” ko nan memang banyak berkesan dek nani, yulfa, dan juo mungkin dek kawan-kawan lainnyo ambo raso.
Mungkin dulu katiko awal kuliah 92/93, mancaliak mereka ko duduak di gang Juri (pertigaan farmasi dan kimia), banyak nan lari atau ma inda. Group eler anggotanya adolah da Af, da Dukun, da Gani, da Juri, da John Ifdel, dsb, tamasuak nan ditakuti mahasiswa baru.
Dari nan lucu, baa da Gani bajadi jo Ferni sampai kisah tragis usaha da Af ko mancarian jodoh untuk da Dukun. Dan tabuka stek carito bahwa Bintil ado hati juo ternyata dengan uda nan ciek ko dulu. Hehehe,,, bi tu lo kisah Nani. Ternyata group eler ko, wajahnya sangar, hati nyo elok. Baa tu yul??? Yulfa ternyata yang sangat sedekat dengan group ini, disamping Ferni tentunya hingga kini malah.
Sambia ma ota kami pun makan bakso, ditemani kopi untuak apak-apak. Iyo ndak banyak nan dihidangkan, so maklum se dek dari pagi kalua rumah, sedangkan Nova pun habis aerobik, mandi, maurus anak subantu lalu talalok dan baru jago manjalang tangah hari, dek ambo telpon tentang kedatangan Yulfa, so memang indak ado persiapan sama sekali dalam manarimo tamu.
Namun, alhamdulillah lai juo ado stok makanan ringan untuak anak-anak, roti dan kacang. Dari dalam hati pun rasonyo ada nan kurang dalam suguhan ini, tapi ka dipanga’an juo lai. Apa adonyo se lah, maklum nan mambantu dirumah tiok Minggu off pulo.
Banyak hal nan tacarito’an, namun banyak hikmah yang didapek, baiak pengalaman da Af dalam berkarir, dari Area manager dengan segala fasilitasnya hingga akhirnya menjadi dosen swasta, tapi semuanya terbayarkan dengan bertambahnya junior setelah kembali kumpul dengan keluarga. Memang anak adalah segalanya, tak ternilai dengan harta. Sempat jatuh mental juga dari merasa “ADA” jadi merasa tak punya APA-APA. Begitu juga bagaimana dia bertahan dengan segala godaan, yang hidup terpisah dengan keluarga lebih dari 3 tahun di sumatera.
Stress yang menimpa ketika menjadi area manager hingga kini merasakan kepuasan dengan mengajar di akademi. Stress iko juo nan mungkin ma’ambek kehamilan sang istri, namun iko tantu juo adolah suratan dari nan kuaso.
Bagaimana pengalaman seorang mahasiswa yang telat tamaik, yang akhirnya bisa menjadi dosen favorit di kalangan mahasiswa. Bagaimana dulu susahnya menangkap ilmu dari dosen, hingga saat ini sangat menguasai materi dan strategi penguasaan konsep kuliah yang membuat mahasiswa bisa ingat apa yang disampaikan, paling tidak mahasiswa punyo frame di kepala mereka. Dek menjadi dosen favorit, bahkan mahasiswa bisa bela-belain untuak datang dari Cibinong hanya untuk mendapatkan materi kuliah yang beliau sampaikan. Luar biasa nikmat dan tenangnya hidup manjadi tenaga pengajar, begitu tutur beliau. Hidup tanpa stress.
Magrib menjelang, kami pun sholat bergantian. Lapeh tu Yulfa dan misua, Nani dan kel pun pamit. Ambo anta’an hinggo dakek Sekolah Annisa. Nani via tol Bintaro, sedangkan Yulfa dan suami dengan taxi menuju salah satu hotel di Bandara SH.
Dirumah kami masih lanjutkan diskusi dengan Da Af tentang pendirian sekolah SMK Farmasi di Tangerang, ambo labiah banyak mendengar sajo, karena dilua ilimu ambo. Da Af pun minta Nova untuk mengajar disana nantinya bila sudah saatnya diparaluan karano di semester partamo masih bisa di handle. Dan SMK Farmasi Ditkesad tempat Nova ma-aja sejak 2001 adalah rujukan bagi seluruh SMK Farmasi nan ado di wilayah Jakarta dsk, Jawa barat dan banten, makonyo jiko ado kunjungan silakan datang juo untuak materi buku dan praktek, insya ALLAH Nova siap mambantu untuak basuo jo pak Adi, urang nan mengelola administrasi SMK salamo ko. Bai itu juo bilo ingin datang ka SMK Farmasi Ciledu Tangerang, tampek Nova ma-aja satahun balakangan ko.
Inilah yang dimakasuik dengan Menjalin silaturahim akan memperpanjang umur dan rezeki.Umua panjang dek banyak kawan dan akan banyak nan mangana di kudian hari, apolai jiko ado photo nan mengikuti moment tsb. Razaki batambah mungkin banyak usaho nan akan bisa dilakukan basamo-samo. Sarupo ajakan da Af untuk Nova ma-aja di Akademi dan SMK Farmasi yang akan dia dirikan.
Co itu pulo dalam mengembangkan usaho-usaho nan bisa dilakukan di ruko Yulfa di Batam sana. Dari pembicaraan kami banyak usul untuk Yulfa, baik rumah makan, pendirian apotek kerjasama dengan Kimia Farma, Kursus dll. Tapi jiko amuah main aman, mungkin kerjasama dengan kimia farma lebih memungkinkan. Owner hanya menyediakan tempat, managemen dan “isi”nya dari Kimia farma, kita terima bagi hasil saja. Dan hal ini memungkinkan kata da Af, tergantung Area Maneger Kimia Farma saja, mudah-mudahan masih ada sinergi dengan alumni kita yang bekerja diinstansi ini. Semoga bisa ya yul???
Lah lamo lamo ota jo da Af, lah cukuik lo masuk’an nampaknyo dan jarum jam lag lewat lapan, da Af pun pamit pulang. Namun sabalun pulang banyak lo no HP angkatan 82-89 nan ambo agiah’an ka liau, semoga silaturahim jo kawan-kawan nyo bisa lo tasambuang baliak. Batambah sanak handaknyo awak di rantau ko, bi tu nan rancak kecek da Af. Alhamdulillah.
Sakian akhia dari hikmah silaturahim Sabtu/Minggu, 25/26 April nan lalu.
Kamis, 30 Apr. 09, jam 08.55.
Saya Suka Bedagang
14 years ago